Contoh Pupuh Dangdang gula Bali - Darmayasa
Headlines News :

Popular Post

Label 1

>> <<

Translate

Pengikut

World News

Home » » Contoh Pupuh Dangdang gula Bali

Contoh Pupuh Dangdang gula Bali

Written By putu darmayasa on Kamis, 15 November 2012 | 19.09

Nyambung ring postingan tiang ring artikel Geguritan Utawi Tembang Pupuh, ne mangkin tiang jagi ngicenin akidik makudang-kudang conto Pupuh Dangdang Gula. Pupuh Dangdang Gula pinika kaiket antuk aturan (pada lingsa) makadi akeh baris ring tiap baitne (pada) inggih punika 12 besik. Sampun kenten akehne suku kata ring tiap-tiap baris (carik) lan suaran untat tiap-tiap baris inggih punika, 11i 4a 6a 8i/8e 8u 8i 8a 8u 8a 4a 8i 4a.

Ring sor punika wantan imba utawi conto "kutipan" Pupuh Dangdang Gula sane ngawangun Geguritan Sampik Ingtai. Cerita sane kaangkat inggih punika rikala I Babah Sampik nyihnayang tresnane ring Ni Nyonyah Ingtai sakewanten nenten kadagingin olih Ni Nyonyah tur digelis ngarauhang utusan mangda gelis Ni Nyonyah mantuk ka Waciu Negari. Minab wenten sameton sane durung tatas uning ring cerita Sampik Ingtai, dados malih ngawacen ring artikel Satua Bali : Sampik Ingtai puniki.


  1. Saksat ratu nuduk pitik bengil (11i)
    Mami lara (4a)
    Nyapat pitra ksasar (6a)
    Gela-gela ring kawahe (8e)
    Urip titiang sampun lampus (8u)
    Keto upaminya adi (8i)
    Manyadia mamarekan (8a)
    Ni Nyonyah raris masaur (8u)
    Minab tan wenten utang tiang (8a)
    Memarekan (4a)
    Ring beline kadi mangkin (8i)
    Sarat tuduhing batara (8a)
  2. Titiang takut kena munyi manis
    Ngaku tresna
    Gampang nagih nadtad
    Anak eluh uli dini
    Bantangin ban slaka siu
    Joh para bakatang beli
    Saling ke aji kemikan
    Makemulan galir bungut
    Dija pacang saup jemak
    Tuyuh ngucap
    Ngadenan suba manengil
    Pang da nundun dakin basang
  3. Mesok gedenan bikas beline dini
    Ngodag-odag
    Marasa teken awak
    Suba ririh di gumine
    Pepes menang bane buruh
    Nasi matahan kadung lekin
    Bibih galir crewet pisan
    Tuara nyandang kapigugu
    Lawar gerang eda nyagerang
    Dasar meka
    To beli jani rasanin
    Damar langit meh bulanan
  4. Durung puput marerasan sang kalih
    Laut teka
    Madan I Congliwat
    Utusan mapag Ingtai
    Mangda gelis Nyonyah mantuk
    Dening wenten raos pingit
    Ni Nyonyah misadyayang
    Pacang gelis mantuk
    Kapiragi ya Ni Nyonyah
    Gelisahan
    Irika raris I Sampik
    Kroda idepnya kalintang
Share this article :

0 komentar:

Speak up your mind

Tell us what you're thinking... !

Trending Topic

 
Support : Creating Website | Johny Template | Mas Template
Proudly powered by Blogger
Copyright © 2011. Darmayasa - All Rights Reserved
Original Design by Creating Website Modified by Adiknya